Kapaloe, Ka Diseumeupoh Lam Meuligoe Aceh Barat

TEMPIAS.ID | Aceh Barat – Meunyoe seumeupoh teurjadi lam lungkiek pasai eungkot atawa terminal labi-labi, nyan biasa mantong. Tapi meunyoe nyan keujadian nakeuh bak meuligoe Bupati, nyan leupah bit gura. Baro-baro nyoe nakeuh tadeungoe Bupati Aceh Barat, Ramli MS poh-seumeupoh ngoen Zahidin.

Meunurot haba tadeungoe, Zahidin nyan nakeuh sidroe teungku imuem atawa mubaligh. Nyan jeulah kon teungku imuem meunasah atawa meuseujid. Awak nyan dua puncak seumampoe nibak uroe nyoe, Seulasa (18/2).

Awak nyan dua dilee tadeungoe meurakan that lagee kupi ngon bada. Silapeh haba tadeungoe, Zahidin nyan nakeuh timses Ramli watee jiek calon Bupati Aceh Barat bak Pilkada 2017 dilee.

Punca masalah jih nakeuh soai utang nyang dijak tunggee le Zahidin bak Bupati. Na haba tadeungoe, Bupati Ramli nakeuh mantong meu-utang bak Teungku Zahidin Rp 200 (dua reutoh) juta. Utang nyan banleuh jih meunang seubagoe Bupati Aceh Barat. Peng ubee laom meunurot silapeh tadeungoe nakeuh dicok keu khanduri aneuk yatim. Bit that gura.

Sampo jinoehat meunurot haba, peng meu-utang nyan gohlom dibayeu meubacut pih. Nyan keuh menurot laporan nyang dikirem bak peulisi Numboi: BL/29/II/2020/ACEH/Res ABAR/SPKT tanggal 18 Februari 2020.

Teungku Zahidin nyan nakeuh tinggai di gampong Darul Islam, Keucamatan Bakongan, Kabupaten Aceh Seulatan.

Bunoe supot, Teungku Zahidin nyan geujak u meuligoe. Gobnyan geujak tunggee utanh bak Bupati Ramli di meuligoe.

Bak teungoh meutungee utang nyan, ureueng nyan dua ka karu raya ngon teumeunak. Teupeu sigoe “pwaam”, boh soh Bupati Ramli keunong bak jumoh Teungku Zahidin.

Skrinsyot bak video. TEMPIAS.ID

Nyan bit gura lom, aneuk buah Bupati Ramli pih ikot seumeupoh. Sigam nyan dirhom keurusi ateuh Teungku Zahidin pah keunong tuleung rusok blah wie.

Banleuh keujadian nyan, Teungku Zahidin langsong dibaplueng u rumoh saket seubab ka reudom bak jumoh ngon dada. [ ]

Must Read

Related Articles

LEAVE A REPLY

Please enter your comment!
Please enter your name here